Sergey Surovikin Ukraynaya hücum planı hazırlayır.

Sfera.az bildirir ki, bu barədə “Bloomberg”in köşə yazarı Hal Brands yazıb. Məqalədə iddia edilib ki, Rusiya 2023-cü ildə Ukraynaya qarşı yeni hücumlara başlaya bilər.

“Ruslar Sergey Surovikinin komandanlığı altında müdafiə hazırlayır və sıralarını yeni çağırışçılarla artırır. Moskva yeni ildə hücumlara başlaya bilər. Ukrayna qırıcıları isə hazırda zəif təchiz olunub. Bu isə xüsusilə qışda kritik vəziyyət yaradacaq”, deyə müəllif məqalədə qeyd edib.

Bundan əvvəl Surovikinin Ukrayna ərazisində xüsusi əməliyyat keçirmək taktikasını dəyişdiyi bildirilib. Məlumata görə, general müdafiə xətlərini gücləndirib və qoşunlar arasında qarşılıqlı əlaqəni yaxşılaşdırıb. “Vaqner qrupu”nun rəhbəri Yevgeni Priqojin isə Surovikinin xüsusi əməliyyatla bağlı qərarlarını dəstəkləyib.

Qeyd edək ki, ötən günlərdə politoloq Yevgeni Minçenko da Rusiya Silahlı Qüvvələrinin Ukraynada xüsusi hərbi əməliyyatın gedişində irimiqyaslı plan hazırladığını söyləmişdi. Onun sözlərinə görə, Sergey Surovikin münaqişənin inkişafı istiqamətində ciddi addım atacaq. 

Günay Rəsulqızı