London polisi Bukingem sarayının qapılarında kiçik yanğın törədən 30 yaşlı kişini həbs edib.
 

Sfera.az “The Sun”a istinadən xəbər verir ki, hazırda saxlanılan şəxsin əməlinin motivləri araşdırılır.
 

Videoda saxlanılan şəxsi iki hüquq-mühafizə orqanı əməkdaşı yerə yıxıb, sonra isə həbs etdiyi görünür. Şahidlərin sözlərinə görə, hüquq-mühafizə orqanlarının əməkdaşları yanğın törədən şübhəli şəxs barədə məlumat verdikdən bir neçə saniyə sonra hadisə yerinə gəliblər.
 

"Dekabrın 20-də saat 22:08-dən qısa müddət sonra, Bukingem Sarayının darvazalarında kiçik yanğın görünüb. 30 yaşlı kişi cinayət törətməkdə şübhəli bilinərək həbs edilib və nəzarətə alınıb. Yanğın söndürülüb”- London polisinin sözçüsü bildirib.
 

Qeyd edək ki, bu Bukingem sarayında bu il baş verən ilk hadisə deyil. May ayında 24 yaşlı amerikalı turist Cozef Huanq Kanq keçən il dekabrın 10-da günorta saatlarında hasardan tövləyə tullanmışdı. O, 200 funt sterlinq məbləğində cərimələnmişdi. Turist kraliça ilə görüş tələb edib. Keçən il isə sarayın kənarında baltalı bir adam görünüb və altı silahlı zabit tərəfindən həbs edilib.
 

Keçən ilin may ayında isə 44 yaşlı Cameron Kalani səhər saatlarında Bukingem Sarayının hasarını aşaraq bağçaya daxil olub. O, çantasında 20 santimetrlik mətbəx bıçağı və kokainlə yaxalanıb.
 

Xatırladaq ki, Kral III Çarlz və həyat yoldaşı Kamilla dəfələrlə Bukingem Sarayına köçmək istəmədiyini bildiriblər.

Aysel