“Rusiyanın NATO üzərində qələbəsinə qədər davam edəcəyik” – Kadırovdan YENİ MESAJ
Çeçenistan lideri Ramazan Kadırov Zaporojye və Xerson vilayətlərində silah anbarlarının tapıldığını deyib.
Sfera.az bildirir ki, bu barədə o, “Telegram” kanalında məlumat verib.
Kadırov qeyd edib ki, “Axmat” xüsusi təyinatlıları və inquşların “Bobr” könüllü əsgərləri sözügedən bölgələrdə əməliyyat-axtarış tədbirləri keçiriblər.
“Yaşayış məntəqələrinin yoxlanılması zamanı müxtəlif silah-sursat anbarları aşkarlanıb. Onlar arasında çoxlu NATO nümunələri də var. Tapıntıların sayı onlarla, yüzlərlədir. Nasistlərin nəzarət edilən ərazilərdə gizlənən şərikləri də müəyyən edilərək saxlanılır. Bu cür işlər gündəlik həyata keçirilir və Rusiyanın NATO qoşunları üzərində qələbəsinə qədər davam edəcək”, - Kadırov yazıb.
Onun sözlərinə görə, bölmələr arasında qarşılıqlı əlaqəni Çeçenistan Respublikasının Milli Qvardiyasının rəis müavini Sultan Rəşayev həyata keçirir.
Günay Rəsulqızı
