Rusiya İran PUA-larından niyə gecə istifadə edir? – Ekspertin ŞƏRHİ
Rusiya İran dronlarından istifadə etməklə Ukraynaya qarşı hücumıları əsasən gecə saatlarında həyata keçirir.
Sfera.az xəbər verir ki, son hücum da gecə vaxtı həyata keçirilib.
Dekabrın 18-dən 19-na keçən gecə Rusiya İran istehsalı olan 35-ə yaxın pilotsuz uçan aparatla (PUA) Ukrayna ərazisindəki obyektlərə zərbə endirmək istəyib. UNİAN-ın məlumatına əsasən, onlardan 30-u hava hücumundan müdafiə qüvvələri tərəfindən vurulub.
Hücum zamanı cəmi 2 nəfər yaralanıb. Ukrayna Silahlı Qüvvələrinin Hərbi Hava Qüvvələri komandanlığının rəsmisi Yuri İqnat bildirib ki, raket və döyüş təyyarələrindən fərqli olaraq PUA-ları radar sistemləri vasitəsilə aşkarlamaq çətindir.
O, buna görə də PUA-ların, xüsusən də kiçik ölçülü aparatların aşkarlanması üçün onalrın gözlə görünməsinin vacib olduğunu söyləyib. İqnat deyib ki, bu texniki xüsusiyyətinə görə Rusiya İran PUA-larından gecə vaxtı istifadə etməyə başlayıbr.
Bununla belə İqnat xüsusi işıqlandırma vasitələrinin köməyi ilə PUA-ların aşkarlandığını və əksəriyyətinin məhv edildiyini söyləyib.
Vasif
Sfera.az
