Havay adalarının sonuncu şahzadəsi kimi tanınan Abigail Kinoiki Kekaulike Kawananakoa 97 yaşında vəfat edib.

Sfera.az bildirir ki, Şahzadə 69 yaşlı həyat yoldaşı Veronika Geyl Kavananakoa ilə birlikdə yaşadığı evində vəfat edib.

Onun ölümü rəsmi olaraq dekabrın 12-də Amerikada Havay monarxlarının məskunlaşdığı yeganə kral iqamətgahı olan İolani Sarayının qarşısında elan edilib. İndi həmin iqamətgah əsasən muzey kimi fəaliyyət göstərir.

Veronika açıqlamasında "Abiqail Havay adalarına və onun xalqına olan sevgisi ilə yadda qalacaq və mən onun üçün bütün qəlbimlə darıxacağam"-deyib.

Honoluluda anadan olan Kawananakoa nüfuzlu məktəb olan Punahouda təhsil alıb. O, həmçinin Şanxaydakı Amerika Məktəbində oxuyub və Kaliforniyanın Belmont şəhərindəki “Notre Dame Qızlar Liseyi”ni bitirib.

Qısa müddətə bir kişi ilə nişanlansa da, uzunmüddətli münasibətlərinin əksəriyyəti qadınlarla olub.

Uzun müddət xeyriyyəçilik fəaliyyəti ilə məşğul olan Şahzadə Abiqail yerli Havay tələbələri üçün təqaüdlər başda olmaqla bir sıra mühüm işlərin maaliyələşdirilməsinə xidmət edib.

Mərhumun hobbilərindən biri də yarış atları yetişdirmək olub. O, 2018-ci ildə At Şöhrət Zalına qəbul edilib. Amerika At Assosiasiyası Abigailin müəssisənin tarixində aparıcı qadın at təlimçisi olduğunu qeyd edib.



Onun atlarından biri, “A Classic Dash” 1993-cü ildə Nyu Meksikoda All-American Futurity yarışında bir milyon dollar qazanıb.

Abiqailin rəsmi titulu yox idi, lakin Havay monarxiyasının canlı xatırladıcısı və krallığın 1893-cü ildə Amerika iş adamları tərəfindən devrilməsindən sonra sağ qalan Havay milli kimliyinin simvolu idi.

Kral ailəsinin heç bir titul iddiası olmayan digər qohumları da qaldığından, o sonuncu Havay şahzadəsi hesab olunurdu.

Aynil