Tina Turnerin 62 yaşlı oğlu Los-Ancelesdə dünyasını dəyişib.

Sfera.az bildirir ki, Ronni Törnerin ölümü barədə hüquq-mühafizə orqanları məlumat verib. Pop-divanın oğlunun küçədə birdən-birə vəziyyəti pisləşib. Yoldan keçənlər Ronniyə kömək etməyə çalışsalar da, polis və təcili yardım hadisə yerinə gələndə o, artıq vəfat edib.

Müğənninin oğlunun ölüm səbəbi hazırda dəqiq məlum deyil, lakin son illərdə Ronnie çox xəstə idi və ona xərçəng diaqnozu qoyulmuşdu.



Ronni səkkiz dəfə “Grammy” mükafatı laureatı və məşhur musiqiçi İke Turnerin oğludur. Bu evlilik xoşbəxt olmayıb, İke Tinanı dəfələrlə aldadıb və döyüb. O, həmçinin narkotik aludəçisi olub və Tinanı demək olar ki, dayanmadan musiqi ifa etməyə məcbur edib.

Cütkük 1962-ci ildə Tijuanada evlənib. 1976-cı ildə növbəti qalmaqal və döyülmələrdən sonra Tina Dallasdakı konsertindən əvvəl evdən qaçıb.

Qaçarkən cəmi 36 senti və yanacaqdoldurma məntəqəsi kartı olan müğənni bir neçə ay dostlarının yanında gizlənib. Tina həyat yoldaşından rəsmi olaraq yalnız 1978-ci ildə boşana bilib. Tina ərini xatırladan hər şeydən o qədər qurtulmaq istəyib ki, hətta ləğv edilmiş konsert turu üçün bütün borcları ödəməyə razı olub.

Daha sonra bir xatirə kitabında Tina 1968-ci ildə hamilə qaldığını, lakin rəfiqələrindən birinin də həyat yoldaşı İkedən hamilə olduğunu biləndə abort etdirdiyini etiraf edib. Elə həmin il müğənni intihara cəhd edib.

Turner İke ilə evlilikdən əvvəl 1957-1958-ci illərdə musiqiçi Raymond Hill ilə görüşüb. Bu münasibətdən ilk oğlu Craig Raymond Turner dünyaya gəlib. 2018-ci ildə Kreyq özünü güllələyib.

Tina həmçinin İkenin əvvəlki münasibətlərindən olan iki oğlu İke Turner Jr. və Michael Turneri övladlığa götürüb. Ayrıldıqdan sonra da Tinadan başqa heç kimsəsi olmayan oğlanları himayəsində saxlayıb.

15 iyul 2013-cü ildə Tina Turner 27 illik münasibətdən sonra prodüser Ervin Baxla evlənib. O, hazırda İsveçrədə yaşayır.


Xatırladaq ki, keçən il Tina Törner təqaüdə çıxdığını elan etmişdi. Rok-n-roll kraliçası həyatının son illərini ictimaiyyətdən və kameralardan uzaq keçirmək istədiyini söyləyib.

Aynil