Kremldən Almaniyadakı çevrilişə cəhdlə bağlı açıqlama: “Bizlik nəsə yoxdur...”

Kreml Almaniyada dövlət çevrilişinə cəhdlə bağlı vəziyyəti şərh edib.

Sfera.az bildirir ki, bu barədə Rusiya prezidentinin sözçüsü Dmitri Peskov jurnalistlərə açıqlama verib. O bildirib ki, Almaniyada dövlət çevrilişinin hazırlanması ilə bağlı vəziyyət onların daxili işidir.

"Onlar  özləri də bildirirlər ki, Rusiyanın hər hansı müdaxiləsindən söhbət gedə bilməz. Biz bu barədə KİV-dəki məlumatlardan xəbərdar olmuşuq.  Bu barədə deyəcək heç nə yoxdur", - Kremlin sözçüsü izah edib.

Xatırladaq ki, bu gün Almaniyanın Baş Prokurorluğu ölkədə dövlət çevrilişinə cəhdin qarşısının alındığını elan edib. 3 minə yaxın polisin iştirak etdiyi genişmiqyaslı əməliyyat zamanı xüsusi xidmət orqanları çevrilişi təşkil etməkdə şübhəli bilinən 25 nəfəri saxlayıb, daha 27 nəfərə qarşı əməliyyat tədbirləri davam etdirilir. Saxlanılanlar arasında Rusiya Federasiyasının vətəndaşı Vitaliya B. var. O, şübhəlilərə Rusiya Federasiyasının nümayəndələri ilə əlaqə saxlamağa kömək edib.

Günay Rəsulqızı