Danimarka şahzadəsi də ABŞ-a köçür

Danimarka şahzadəsi Yoahim Vaşinqtonda yeni işə düzəldiyi üçün ailəsi ilə birlikdə ABŞ-a köçür. Qeyd edək ki, əvvəllər o, Danimarka səfirliyində hərbi attaşe vəzifəsində çalışıb.

Yeni işi isə müdafiə sənayesi ilə bağlı olacaq.

Sfera.az bildirir ki, Danimarka mətbuatı Şahzadənin 2023-cü ildə ailəsi ilə birlikdə ABŞ-a köçəcəyi, övladlarının artıq krallıq titullarından məhrum ediləcəyini yazıb.
 

Şahzadə Yoahim həyat yoldaşı Şahzadə Mari və iki azyaşlı uşağı, 13 yaşlı Şahzadə Henrik və 10 yaşlı Şahzadə Afina ilə birlikdə Vaşinqtona köçəcək.
 

Danimarka Kral Məhkəməsinin Kommunikasiyalar Departamenti Yoahimin gələcək addımı ilə bağlı xəbərləri təsdiqləməyib.
 

Xatırladaq ki, sentyabr ayında Danimarka Kraliçası nəvələri 23 yaşlı Nikolay, 20 yaşlı Feliks, 13 yaşlı Henrik və 10 yaşlı Afinanın 2023-cü ilin yanvar ayından etibarən artıq "Əlahəzrət" tituluna sahib olmayacaqlarını açıqlamışdı.
 

O vaxt Kraliça bu addımın gələcəkdə onlar üçün faydalı olacağı və varislik xəttində öz mövqelərini qoruyub saxlayan uşaqlara öz həyatlarını formalaşdırmağa icazə verəcəyini iddia edib.
 

Lakin sonrakı günlərdə şahzadə Yoahim açıq şəkildə anasının bu qərarına qarşı çıxıb və uşaqlarının bundan əziyyət çəkdiyini bildirib. Hətta o, Afina ilə Henrikin məktəbdə utanmağa başladığını deyib. Ailədən ayrı yaşayan böyük oğlu Nikolay isə nənəsinin bu qərarından şoka düşdüyünü deyib.
 

Qalmaqal olmasa da, bir vaxtlar möhkəm ailə bağları və dostluqları olan Danimarka kral ailəsindəki fikir ayrılığı getdikcə dərinləşir və bu il şahzadələr Milad bayramında bir araya gəlməyəcəklər.
 

Ailədən verilən rəsmi açıqlamaya görə, Kraliça Marqret bayram mövsümünü həmişəki kimi Orhusdakı Marselisborq qalasında keçirəcək. Böyük oğlu, vəliəhd şahzadə Frederikin də ona qatılacağı məlum deyil. Şahzadə Frederikin ailəsi ilə birlikdə həyat yoldaşı Şahzadə Merinin vətəni - Avstraliyaya səfər edəcəyi gözlənilir.
 

Xatırladaq ki, KİV Danimarka kral ailəsindəki parçalanmaya şahzadə Yoahimin böyük qardaşının həyat yoldaşına aşiq olmasını səbəb göstərmişdi.

Aysel