Meqan Markl və Şahzadə Harri Britaniya kral ailəsinin reputasiyasına zərbə vurmağa hazırlaşırlar.

Sfera.az Britaniya mətbuatına istinadən bildirir ki, “Harri və Meqan” sənədli filminin treylerinin “Netflix”də yayımlanması ingilisləri qəzəbləndirib. İndi kral ailəsinin bir çox pərəstişkarları Kral Çarlzdan şahzadə Harri və Meqan Marklı Susseks hersoqu və hersoginyası titulundan məhrum etməyi tələb edirlər. Onlar əmindirlər ki, film Britaniya kral ailəsinə zərbə vuracaq.

Üsyankar şahzadə bununla da bütün köhnə şikayətlərinə görə qohumlarından qisas almağa qərar verib.
 

Əvvəlcə filmin birinci hissəsində şahzadə ilə keçmiş aktrisanın sevgi hekayəsinin göstəriləcəyi deyilirdi. Bununla belə, artıq şəbəkədə görünən kadrlardan belə qənaətə gəlmək olar ki, 2020-ci ildə krallıq vəzifələrindən istefa verən cütlük yüksək vəzifəli qohumlarını film çəkilişinə çağırmayacaqlar.

"Münafiqlər! Onlar kral ailəsini məhv etmək istəyirlər, lakin titullara sahib olmaqdan və mükafatlar əldə etməkdən çəkinmirlər. Kral Çarlz onları titullarından məhrum etməlidir!"
 

"Bu, tamamilə razılaşdırılıb, bu filmlə bağlı hər şey səhvdir və inanıram ki, filmin gecikmə səbəbi kral ailəsinin qalan hissəsinə maksimum zərər vurmaq üçün kraliçanın vəfatını gözləmək olub”-deyə pərəstişkarlar Twitterdə yazıblar.


Kral köşə yazarı Dickey Arbiter isə qeyd edib ki, onların titullarından məhrum edilməsi asan prosedur olmayacaq.
 

Krala yaxın mənbələr iddia edir ki, kral onları titullarından məhrum edə bilər. Bunun üçün parlamentin hersoqluğu ləğv etməsi tələb olunur və hazırda onların həlli üçün ortada dağılmış ölkə faktoru var. Dianaya gəlincə, o, evliliklə gələn titulunu itirməyib. Əlahəzrət titulu mərhum Kraliçanın ona hədiyyəsi idi.
 

Xəbər verdiyimiz kimi, Harrinin "bütün həqiqəti" üzə çıxaracağına söz verdiyi filmin birinci hissəsi 8 dekabr, ikinci hissəsi isə bir həftə sonra, dekabrın 15-də yayımlanacaq.
 

Xatırladaq ki, kralın şahzadə Harrinin övladlarının titulları ilə bağlı qərarı Sasseks hersoqlarını hiddətləndirmişdi.

Aynil