Bu gündən etibarən Avropa İttifaqının(Aİ) Rusiya neftinin dəniz yolu ilə ixracına tətbiq etdiyi embarqo, eləcə də dəniz yolu ilə daşınan Rusiya neftinin qiymətinin bir bareli üçün 60 dollardan yuxarı həddi qüvvəyə minib.

Sfera.az xəbər verir ki, bu barədə cümə günü Aİ, G7 ölkələri və Avstraliya razılaşıb.

Qərar ona görə qəbul edilib ki, Rusiya Ukraynaya qarşı müharibə hesabına iqtisadi mənfəət əldə etməsin. Qərar eyni zamanda qlobal enerji bazarlarının sabitliyini qoruyub saxlamaq və Rusiya işğalının mənfi iqtisadi nəticələrini minimuma endirmək məqsədi daşıyır.

Xatırladaq ki, dünən Rusiyanın xarici işlər naziri Sergey Lavrov bəyan edib ki, Moskva Rusiya neftinə hansı məhdudiyyətlərin olacağı ilə maraqlanmır, çünki Rusiya öz tərəfdaşları ilə birbaşa danışıqlar aparacaq.

Əzizə Zeynal