Finlandiyanın NATO-ya üzvlük prosesi davam edərkən, xarici işlər naziri Pekka Haavisto mühüm açıqlamalar verib.

Sfera.az bildirir ki, “Kyodo” xəbər agentliyinə danışan nazir Rusiyanın Ukraynaya hücumları və yaranan nüvə təhlükəsinin Finlandiyanın NATO-ya üzv olmaq üçün müraciət etməsinə səbəb olan mühüm amillərdən olduğunu deyib.

“Macarıstan fevralın əvvəlində NATO-ya üzvlüyü təsdiqləyəcək. Türkiyənin təsdiqi də daxil olmaqla, hər şeyin yazda həll olunacağına ümid edirəm”, deyə Pekka əlavə edib.

Xatırladaq ki, Rusiya-Ukrayna müharibəsindən sonra Finlandiya və İsveç may ayında NATO-ya üzvlük üçün müraciət etmişdilər. Proses isə alyansın 30 üzvünün hamısının təsdiqini tələb edir.

Türkiyədən başqa Macarıstan da hələ səsvermədə iştirak etməyib.

Günay Rəsulqızı