Hindistanda daha bir mədən çökdü: ölənlər var
Kateqoriya məlum deyil
Hindistanın Çatişqarh ştatında daha bir mədənin çökməsi nəticəsində 6 nəfər ölüb, 3 nəfər yaralanıb.
Sfera.az xəbər verir ki, hadisə Çatişqarh ştatının Bastar rayonunun Malqaon kəndində baş verib.
Axtarış-xilasetmə dəstələrinin həyata keçirdiyi əməliyyat nəticəsində 5 nəfərin cəsədi tapılıb.
Xəsarət alan 4 nəfərdən biri aparıldığı xəstəxanada dünyasını dəyişib.
Hadisə zamanı ölən 6 nəfərdən 5-nin qadın olduğu bildirilib.
Yerli hakimiyyət orqanları həyatını itirənlərin ailələrinə təzminat ödəniləcəyini açıqlayıb.
Qeyd edək ki, adıçəkilən bölgədə ötən gün baş verən mədən qəzasında 7 nəfər dünyasını dəyişib.
