Nəhəng piton 5 yaşlı uşağı dişləyərək HOVUZA ATDI
Avstraliyada uzunluğu 3 metr olan piton 5 yaşlı uşağa hücum edərək onu dişləyib, bədəninə sarılaraq hovuza sürükləyib. Uşağı ölümdən babası və atası xilas edib.
Sfera.az xəbər verir ki, Bayron Bay şəhərinin (Yeni Cənubi Uels, Sidney yaxınlığında, Avstraliya) 5 yaşlı sakini Bo Bleyk evinin həyətində oynayarkən, hovuzun yanından keçəndə kolların arasından nəhəng piton sürünərək uşağın ayağını dişləyib və ona sarılaraq suya doğru çəkib. Xoşbəxtlikdən Bonun babası, 76 yaşlı Allan Bleyk həmin vaxt hovuzun kənarında olub.
O, dərhal hovuza qaçıb və bədəninə piton bükülmüş uşağı onun ağzından çıxardıb.
Allan Blake deyir: "Həmin anda öz təhlükəsizliyim haqqında düşünmədim, nəvəmi xilas etməli oldum".
Bundan sonra atası uşağın yanına qaçıb, pitonu tutub nəhəng ağzını açana qədər onu boğmağa başlayıb. Ben Bleykin sözlərinə görə, ona cəmi 15-20 saniyə lazım olub. Lakin o, uşağı pitonun qucağından xilas edə bildikdən sonra ilanı yenidən kolluqlara buraxıb.
5 yaşlı Bo çox qorxsa da, yüngül xəsarətlərlə xilas olub.
Uşağın atasının sözlərinə görə, indi bütün ailə Bonun ayağındakı yaraya diqqətlə nəzarət edəcək ki, infeksiya əlamətləri olmasın. Uşağın atasının sözlərinə görə, bütün həyatı boyu o, artıq evinin həyətində 10-a yaxın ilanla rastlaşıb. Ümumiyyətlə, pitonlar onların şəhərində adi bir mənzərədir. Avstraliyada zəhərli olmayan 15 piton növü var, lakin onlar ovlarını boğub udmazdan əvvəl bədənlərini ona sarıb öldürürlər.
Qeyd edək ki, pitonların əsas sirri ağızlarını çox geniş açmaq bacarığındadır.
Aynil
Sfera.az
