Almaniyanın ikinci böyük aviaşirkəti Air Berlin kiçilmə yoluna gedir.

Süddeutsche Zeitung (SZ) qəzetinin xəbərinə görə yenidənqurma çərçivəsində donanmasında olan təyyarə sayını yarıya endirməyi planlaşdırdığı qeyd olunan Air Berlinin min əməkdaşı ilə də yollarını ayıracağı qeyd edilib. Air Berlin 8 min 600 həmkarından təxminən min nəfərini işdən çıxaracaq.

TUİ VƏ LUFTHANSA İLƏ GÖRÜŞÜR

İqtisadi baxımdan çətin günlər keçirən Air Berlinin böhrandan xilas olmaq məqsədilə tur operatoru TUİ və Alman aviaşirkəti Lufthansa ilə danışıqlar apardığı bildirilib. Şirkətin 40-a qədər təyyarəsini lufthansanın filialı Eurowingsə icarəyə götürəcəyi bildirilir. Süddeutsche Zeitung, TUİ və Lufthansa ilə aparılan danışıqların müsbət nəticələnməsi halında Air Berlinin təyyarə sayını yarıya endirərək 70 təyyarə səfərlərini davam etdirəcəyini yazıb. Kiçilmə səbəbindən pilot və yer personalının da azaldılacağı qeyd edilib.

Xəbərə görə, 2006-ci ildə birjaya açılan Air Berlin o tarixdən bəri yalnız bir dəfə xeyir qazanarkən, şirkət son üç il ərzində 1.2 milyard Avro zərər edib. Air Berlinin çətinə düşməsində artan rəqabət qədər, istehsalı ilan hekayəsinə dönən və bir neçə dəfə təxirə salınan Berlin Hava Limanının (BƏR) başa çatmamasının da təsirli olduğu bildirilir.