Görünüşünə və zehni qabiliyyətinə təsir edən xəstəliyi olan Zanziman Ellie insanların onun həyatını məhv etməsindən sonra, heyvanlar arasında yaşamaq üçün dəfələrlə meşəyə qaçıb.

Sfera.az bildirir ki, Zənziman Ellieni meşədə vəhşi heyvanlarla birlikdə ot və banan yeyərkən tapıblar.

Ellie görünüşünə görə həyatını işgəncəyə çevirən insanlardan qaçıb doğma məmləkəti Ruandaya qayıdıb. Həyat tərzinə və dünyagörüşünə görə insanlar ona "meymun" deyirdilər.

Lakin çəkiliş qrupu onun haqqında sənədli film çəkmək üçün Afrikaya gələndə Ellinin həyatı kəskin şəkildə dəyişib. Ellie ailəsi ilə birlikdə kəndə qayıdıb və təhsil almağa başlayıb. Amma bu dəyişikliyə qədər Zanziman müəyyən mənada Rudyard Kiplinq hekayəsinin baş qəhrəmanı Mauqliyə bənzəyib. Zanziman haqqında sənədli film “Afrimax TV” tərəfindən YouTubea yerləşdirildikdən sonra Ellienin hekayəsi gündəm olub.

1999-cu ildə anadan olan Zənziman fiziki görünüşünə görə cəmiyyət tərəfindən kənarlaşdırılıb. Ellie körpənin başının normaldan çox kiçik olduğu mikrosefaliya xəstəliyindən əziyyət çəkir. Həm də Ellinin məktəbə getməsinə icazə verilməyib, çünki kənd ağsaqqalları onun təhsil almaq üçün zehni qabiliyyətinin olmadığını əsas gətirib. Təhsil almağa icazə verilməyən və qəddar insanların məsxərəsinə qoyulan Zənziman kəndindən qaçaraq meşədə yaşayıb.

Günlərlə meşədə yemək axtarıb. Onun insanlar arasından meşəyə qaçması danışa bilməməsinə səbəb olub. Lakin sənədli film yayımlandıqdan sonra Afrimax TV Zənziman və anası üçün yeni bir həyat qurmaq üçün layihə başladıb. Tv kanalı dünyanın hər yerindən tamaşaçılardan böyük ianə toplayan GoFundMe səhifəsi yaradıb. Bütün ianələr onu Ruandadakı Ubumve İcma Mərkəzindəki xüsusi qayğıya ehtiyacı olan uşaqlar üçün məktəbə göndərmək üçün istifadə olunub. Ellie hazırda təlim keçir. Həmçinin, sənədli filmin nümayişindən sonra həyatı kəskin şəkildə dəyişən gənclə şəkil çəkdirmək üçün insanlar növbəyə düzülüb.

Zənzimanın anası: “Oğlumun bu dəyişməsi sözün əsl mənasında möcüzədir. Onu ələ salırdılar, mən də tez-tez arxasınca qaçırdım. O, indi həmyaşıdları ilə birlikdə məktəbdədir və mən çox xoşbəxtəm” - deyə bildirib.

Aynil

Sfera.az