Bu vaxt ölçüsü 2035-ci ildən ləğv edilir - Yeni QƏRAR...
Dünya vaxtının ölçülməsindən məsul olan Beynəlxalq Çəkilər və Ölçülər Bürosu (BIPM) 2035-ci ilə qədər "sıçrayış saniyəsini" ləğv etməyə səs verdiyini açıqlayıb.
Sfera.az xəbər verir ki, atom saatlarının qeyd etdiyi rəsmi vaxt ilə atom saatlarının hesabladığı gün arasındakı vaxt fərqini kompensasiya etmək üçün son yarım əsrdə saatlara saniyələr əlavə edilib.
Sıçrayış saniyələri əksər insanlar tərəfindən nəzərə çarpmadan keçsə də, naviqasiya, proqram təminatı, rabitə, ticarət və hətta kosmik səyahət kimi dəqiq və fasiləsiz vaxt axını tələb edən bir sıra sistemlərdə problemlər yarada bilir.
Lakin sıçrayış saniyələrinin tənzimlənməsi öz işini dünya saatlarının təyin olunduğu beynəlxalq səviyyədə tanınmış standart saat qurşağı olan Koordinasiyalı Ümumdünya Saatına (UTC) əsaslanaraq aparan "BIPM" üçün dilemma yaratmağa başlayıb.
2035-ci ilə qədər sıçrayış saniyələrinin əlavə edilməsindən imtina etmək qərarı BIPM ofisinin 59 üzv dövləti və Parisin qərbindəki Versal sarayında hər 4 ildən bir keçirilən Çəkilər və Ölçülər üzrə Baş Konfransda iştirak edən digər partiyalar tərəfindən təsdiqlənib.
"BIPM"in vaxt departamentinin hazırkı direktoru Patrizia Tavella dəyişikliyin 2035-ci ildə və ya ondan əvvəl qüvvəyə minəcəyini söyləyib. Dəyişikliyin baş verməsinə təkan verən ölkələr arasında ABŞ və Fransa da yer alıb.
P.Tavella yeni dəyişikliklə gündəlik həyatda insanlar üçün “heç nə dəyişməyəcəyini” deyib.
İnci
