Avropa ölkələrinin bəxti gətirib - Soyuq olmayacaq 

Meteoroloqlar Avropaya soyuq qış vəd etmirlər.

Sfera.az xarici mətbuata istinadən bildirir ki, mütəxəssislər mövcud təchizat, istehlak və qaz ehtiyatları ilə Aİ ölkələrinin mövsümü qaz çatışmazlığı ilə də keçirə biləcəyini qeyd edir. Hazırkı qiymətlər enerji böhranından əvvəlki qiymətlərdən 3-4 dəfə yüksəkdir və sənaye istehsalı azalıb. Buna baxmayaraq investisiya bankının analitikləri qış mövsümü başa çatdıqdan sonra Avropa anbarlarında qaz qalıqlarınım gözləniləndən yüksək ola biləcəyini bildirir.

Meteoroloqlar Avropada bütün qışın soyuq keçməyəcəyini gözləyirlər.

Analitik hava portalı “Severe Weather Europe”: “Avropada temperaturun qitənin qərb-mərkəzi hissəsinin çox hissəsində orta səviyyəyə yaxın olacağı gözlənilir. Şimal və cənub rayonlarında temperaturun iqlim normasından yüksək olacağı gözlənilir. Bu, Qərbi və Mərkəzi Avropanın bəzi hissələrində daha soyuq cəbhələrin və daha soyuq günlərin olduğu dövrlərin ola biləcəyini göstərir” - xəbər verib.

Təchizat və ehtiyatlarla bağlı mövcud vəziyyət də Aİ ölkələrinə qazın problemsiz çatdırılmasının lehinədir. Ötən qışla müqayisədə, noyabrın ortalarından martın sonuna kimi maye qaz idxalı 11,5 milyard kubmetr artıb. “Qazprom”un tədarükü isə 31,5 milyard kubmetr azalacağı gözlənilir. Bu fərq anbarlarda daha yüksək qaz ehtiyatları hesabına ödənilir (təqribi 102 milyard kubmetr). Bu göstərici ötən illə müqayisədə 25 milyard kubmetr çoxdur.

Bundan əlavə, Aİ ölkələrinə Azərbaycan və Əlcəzairdən daha çox qaz axını gəlir.

Aynil

Sfera.az