"Yaxın gələcəkdə ölüləri dirildəcəm, cəsədləri yenidən canlandıracam". 

Dünyanın ilk baş nəqlini gerçəkləşdirməyə hazırlaşan İtaliyalı cərrah  Sercio Kanavero  gündəm yaradan açıqlamalar verib.  Əlil arabasına məhkum olan və başının başqa bədənə nəql olunmasına razılıq verən rusiyalı Valeri Spiridonovu gələn il əməliyyat etməyə hazırlaşan cərrah buna necə nail olacağına aydınlıq gətirib.

2017-ci ildə gerçəkləşdirəcəyi ilk baş nəqli əməliyyatı ilə bağlı hazırda düyanın ən mübahisəli beyin cərrahı olan Sercio, Valerinin başını bədənindən ayıracaq va dünyadan köçən, amma sağlam bədənə sahib olan başqa bir insanın cəsədinə köçürəcək. Bunun üçün "Frankenştayn” modelindən istifadə edəcəyini deyən italiyalı cərrah, elektrik vasitəsilə sinir sistemini hərəkətə gətirəcəyini düşünür.