NATO-nun baş katibi Yens Stoltenberq Rusiyanın qoşunları geniş imkanlara və saya malikdir. Buna görə də NATO Ukraynaya dəstəyini davam etdirəcək.

Sfera.az xarici mətbuata istinadən bildirir ki, bu barədə bu gün Niderlandın Xarici İşlər və Müdafiə nazirliklərinin rəhbərləri ilə birgə mətbuat konfransı zamanı NATO-nun baş katibi Yens Stoltenberq bildirib.
 

“Rusiya silahlı qüvvələri böyük imkanlara malikdir, buna görə də Xerson ərazisindən bu yaxınlarda geri çəkilməsinə baxmayaraq, onları əhəmiyyətsiz hesab etmək olmaz. Müharibənin növbəti ayları daha çətin olacaq və NATO Ukraynaya dəstəyini davam etdirəcək ki, Kiyev gələcəkdə Rusiya ilə danışıqlar masası arxasında möhkəm mövqe tutsun”-deyə Stoltenberq bildirib.
 

NATO rəhbərinin sözlərinə görə, rus qoşunlarının Xersondan çıxarılması ukraynalı müdafiəçilərin cəsarətini nümayiş etdirib və təşkilatın Ukraynaya davamlı yardıma ehtiyacı olduğunu sübut edib. Bununla yanaşı, Stoltenberq Rusiya qüvvələrini zəif hesab etməyin yanlış analiz olduğunu vurğulayıb.


Stoltenberq həmçinin qeyd edib ki, Ukraynanın məqbul nəticə əldə etməsinin yeganə yolu döyüş meydanında möhkəm mövqeyə malik olmaqdır.
 

"Müharibələrin çoxu danışıqlar masasında hansısa mərhələdə başa çatır. Amma bu masada baş verənlər əsasən döyüş meydanındakı vəziyyətlə bağlıdır. Bizim etməli olduğumuz şey Ukraynanı dəstəkləməkdir ki, danışıqlar elə bir mərhələdə baş tutsun ki, Ukrayna bu mərhələdə qalib gələ bilsin. Ukrayna müstəqil suveren Avropa dövlətidir”- Stoltenberq deyib.

Stoltenberq onu da vurğulayıb ki, yalnız Ukrayna tərəfi Rusiyaya qarşı müharibənin dayandırılması üçün hansı şərtlərin onun üçün məqbul olacağına qərar vermək hüququna malikdir.
 

Xatırladaq ki, bu yaxınlarda media Brüsseldə oktyabrda baş tutan qapalı iclasda Yunanıstan və Polşa da daxil olmaqla, bir sıra ölkələrin Ukraynanın NATO-ya üzv olmaq ərizəsini dəstəklədiyini yazmışdı.
 

Stoltenberq daha əvvəl rus qoşunlarının Xersondan çıxarılmasının NATO- nun Ukraynaya effektiv dəstək verdiyinin göstəricisi olduğunu bildirmişdi.

Aysel