Prezident Co Bayden və onun təmsil etdiyi partiya ABŞ Konqresi seçkilərindəki məğlubiyyətlərini əvvəlcədən Rusiyanın müdaxiləsi ilə əsaslandırmağa çalışırlar. Amerika administrasiyasının hazırkı rəhbərliyi son gücü ilə hakimiyyətdən yapışır.

Sfera.az Rusiya mətbuatına istinadən bildirir ki, bu fikri Rusiya Dövlət Dumasının sədri Vyaçeslav Volodin deyib.


“ABŞ Demokratları məğlubiyyətlərinə artıq bəhanə tapmağa başlayıb. Bayden çətin vəziyyətdədir. Vaşinqtonun hazırkı rəhbərliyi son gücü ilə hakimiyyətdən yapışır”
– deyə Volodin teleqram kanalında bildirib.
 

Rusiya Parlamentari ABŞ demokratlarının köhnə üsullara əl atdıqlarına diqqət çəkib. O bildirib ki, demokratlar yenə də Rusiyanı seçkilərə müdaxilə etməkdə ittiham edirlər.

“Biz eyni şeyi 2016-cı ildə Tramp ABŞ prezidenti olanda gördük. Yeni dəyişən heç nə yoxdur"-deyə siyasətçi əlavə edib.
 

Suveren dövlətlərin daxili işlərinə müdaxilənin yolverilməz olduğunu qeyd edən Volodin bunun Rusiya siyasətinin tərkib hissəsi olduğunu bildirib.
Onun sözlərinə görə, yeni ittihamlar ABŞ demokratlarının sabah keçiriləcək Konqresə seçkilərdə məğlub olduqlarını əsaslandırmaq cəhdidir.
Rusiya Dövlət Dumasının spikeri "Bayden və onun partiya yoldaşları həm Senatda, həm də Nümayəndələr Palatasında çoxluqlarını itirəcəklər"-deyə qeyd edib.
 

“ABŞ xalqı demokratlara onların günahı ucbatından yaranan problemlərə görə səs vermir. Bunun səbəbini özündə axtarmalısan”-deyə o qeyd edib.

Aynil