Rusiya ordusunda PANİKA: Qaçan əsgərlər güllələnəcək

Rusiya geri çəkilən əsgərləri güllələməklə hədələyir.

Sfera.az bildirir ki,  bu barədə Böyük Britaniyanın Müdafiə Nazirliyi məlumat yayıb.

“The Guardian”nın xəbərinə görə, qurumun hesabatında qeyd olunub ki, rus əsgərləri döyüşmək istəmirlər, bu səbəbdən Rusiya qüvvələri qoşunların arxasına geri çəkilən əsgərləri vurmaqla hədələyən bölmələr yerləşdirməyə başlayıb. Kəşfiyyat hesabatında sözügedən rus bölmələri hücumlara məcbur etmək üçün istifadə edilən “maneə qoşunları” və ya “blokedici birləşmələr” kimi təsvir edilib.

“Bu yaxınlarda rus generalları öz komandirlərindən fərarilərə qarşı silah istifadə etmək, o cümlədən xəbərdarlıq edildikdən sonra onları öldürmək üçün güllələnməyə icazə verməyi xahiş ediblər. Generallar çox güman ki, ölənə qədər müdafiə mövqelərini saxlamaq istəyirlər. Fərariləri güllələmək taktikası isə artıq Rusiya qüvvələrinin keyfiyyətsizliyini, aşağı əhval-ruhiyyəsini və ordudakı intizamsızlığı təsdiqləyir”, deyə Britaniyanın kəşfiyyat məlumatında qeyd olunub.

Günay Rəsulqızı