ABŞ rus generallarının gizli görüşünü İFŞA ETDİ: Putinsiz “Ukrayna planı”
ABŞ rus generallarının gizli “Ukrayna görüşü”nü deşifrə edib.
Sfera.az-ın məlumatına görə, “CBS News” kanalına danışan iki ABŞ rəsmisi bildirib ki, Rusiya hərbi rəsmiləri keçən ay Ukraynadakı müharibədə nüvə silahından necə və nə vaxt istifadə edə biləcəklərini müzakirə ediblər. Məlumata görə, Rusiya Prezidenti Vladimir Putin bu danışıqlarda iştirak etməyib.
Milli Təhlükəsizlik Şurasının rəsmisi Con F Kirbi görüşün təfərrüatları ilə bağlı açıqlama verməsə də, "biz bunları ciddiyə alırıq. Bacardığımız qədər təqib etməyə davam edirik. Lakin Rusiyanın nüvə istifadəsinə hazırlaşdığına dair heç bir işarə görmürük", deyə söyləyib. Ağ Ev rəsmiləri də son aylarda nüvə silahından istifadə ehtimalı ilə bağlı narahatlıqların artdığını bildiriblər.
Qedy edək ki, Rusiyanın nüvə arsenalında dünya miqyasında dağıntılara və 200-300 milyon insanın ölümünə səbəb ola biləcək 6000 nüvə başlığı olduğu güman edilir. Rusiya əvvəllər döyüşdə taktiki nüvə raketlərindən istifadə etməyib, lakin müxtəlif üsullarla onları döyüş bölgəsində yerləşdirib.
Günay Rəsulqızı
