Prezident seçkilərinin ikinci turu keçirilir

Braziliyada prezident və qubernator seçkilərinin ikinci turu keçirilir.

Sfera.az xəbər verir ki, vətəndaşlar gələcək dövlət başçısını və 12 ştatın qubernatorlarını müəyyən etməlidirlər.

İkinci turda qalib gəlmək üçün səs çoxluğu kifayətdir. Ölkənin Ali Seçki Məhkəməsinin məlumatına görə, seçkilərdə Cənubi Amerika Respublikasının 156 milyon 454 min 11 vətəndaşı səsvermə hüququna malikdir.

Seçkilərdə iştirak ölkənin bütün savadlı vətəndaşları üçün məcburidir. Yaşı 70-dən yuxarı olanlar, 16-17 yaşlı gənclər seçkiyə gəlməyə bilərlər.