Alimlərdən DAHA BİR İLK: “Onu Marsdan Yerə gətirəcəklər, amma...”

Elm adamları daha bir ilkdə imza atacaq.

Sfera.az bildirir ki, NASA yaxın on il ərzində tədqiqat üçün Marsdan Yerə nümunələr gətirəcəyini və hətta həyat izlərini tapa biləcəyini açıqlayıb. “Astrobiology” jurnalının məlumatına görə, elm adamları bunu ilk dəfə edəcəklər və bu, həqiqətən də kainatda yadplanetli həyatın mövcudluğu ilə bağlı suallara son qoyacaq.

Sağlamlıq Elmləri Uniformalı Xidmətlər Universitetinin patoloqu Maykl Dali kimi ekspertlər düşünürlər ki, tezliklə Mars çöküntülərində orqanizmlər tapıla bilər. Bununla belə, bəzi mütəxəssislər hələ də Mars nümunələrinin gətirilən zaman Yerdə yarada biləcəyi təhlükələrdən narahatdırlar.

Məlumata görə, alimlər Yerə zərər verməmək üçün tədbirlər görəcəklər. NASA alimi Mooqeqa Kuper “Nəyisə canlandırıb yenidən həyata qaytardığınız zaman insanlara zərər verə biləcək bir şey etmək istəmirsiniz. Bunun düzgün aparıldığına əmin olmaq üçün mümkün olan ən yaxşı işi görməliyik”, deyə bildirib.

Türkan