Ukrayna prezidenti Vladimir Zelenski xalqa müraciətində Rusiyanın hava zərbələri ilə bağlı məlumat verib.

Sfera.az -ın məlumatına görə, Zelenski bildirib ki, iki gün ərzində Rusiya 30-dan çox pilotsuz təyyarə hücumu həyata keçirib, 23 Şahed pilotsuz təyyarəsini vurub.

"Həmçinin, Kh-59 idarə olunan hava raketi, iki Ka-52 hücum helikopteri və bir Su-25 hücum təyyarəsi məhv edilib. Ümumilikdə bu müddət ərzində (müharibə zamanı) Rusiya 4500 raket zərbəsi və 8000-dən çox hava zərbəsi endirib. Amma döyüşə davam edirik, daha çox hücumların qarşısını alacağıq”, deyə Ukrayna lideri əlavə edib.

Zelenski həmçinin hər il oktyabrın 28-də Ukraynanın nasist işğalçılarından azad edilməsini qeyd etdiklərini vurğulayıb və fikirlərini bu cür davam etdirib: “Biz İkinci Dünya Müharibəsi illərində faşizmlə mübarizə aparan və məğlub edən ukraynalıların xatirəsini ehtiramla yad edirik - əlimizdə gül-çiçəklə yox, silahla... Mübarizəmizin 247-ci günü, Ukraynanın faşistlərdən azad edildiyi gün simvola çevrildi.  Bunun nəticəsi, şübhəsiz ki, Ukraynamızın azad edilməsi olacaq. İşğal olunmuş ərazilər qurtarılacaq. Keçmişdə də həmişə belə olub və gələcəkdə də belə olacaq. Xersonun, Donbasın, Luqanskın, Krımın gələcəyi də belə olacaq”.

Günay Rəsulqızı