Türkiyədə mədən partlayışına görə 25 nəfər həbs edildi

Türkiyənin Bartın əyaləti Amasra şəhərində 41 nəfərin həyatını itirdiyi mədən qəzası ilə əlaqədar aparılan istintaq araşdırmaları nəticəsində 25 şübhəli şəxs nəzarət altına alınıb.


Sfera.az Türkiyə mətbuatına istinadən bildirir ki, hadisədən dərhal sonra səhlənkarlığın olması ilə bağlı araşdırmalara başlanılıb.

İstintaq araşdırmalarına 6 prokuror və 4 nazirlik müfəttişi təyin edilib.

Hadisə baş verən müəssisədə saat 16.00-24.00 növbəsində işləyən nəzarətçilər, mühəndislər, yeraltı və yerüstü işçilər də daxil olmaqla 50 nəfərin ifadəsi alınıb.
 

Türkiyə Baş Prokurorluğundan verilən açıqlamada istintaq çərçivəsində 25 şübhəlinin nəzarətə alındığı bildirilir.
 

Hadisə ilə bağlı istintaq davam edir.

Xatırladaq ki, oktyabrın 14-də Taşkömürü Müəssisəsində baş verən yanğın nəticəsində 41 şaxtaçı həlak olub, 11 mədənçi yaralanıb.

Aynil