Rusiyanın gizli sirri İFŞA EDİLDİ: Sən demə, bu hücumların arxasında...
Ukrayna savaşı fonunda Rusiya ilə bağlı diqqətçəkən iddia ortaya çıxıb.
Sfera.az bildirir ki, Britaniyanın “Bellingcat” araşdırma təşkilatı Rusiyanın gizli birliyini ifşa edib.
Nəticədə mülki hədəfləri və ölkənin enerji infrastrukturunu hədəf alan hücumların arxasında duran bölmə barədə detallar məlum olub. Belə ki, Britaniya mediasının xəbərinə görə, bu hücumların arxasında polkovnik-leytenant İqor Baqnyukun komandanlığı altında olan bölmə dayanır.
Baqnyuk və əsgərləri elektrik stansiyalarına və şəhərlərə zərbələr endirən, onlarla dinc sakinin ölümünə və yaralanmasına səbəb olan hücumları təşkil etməkdə ittiham olunublar. “Bellingcat” Rusiya qara bazarında əldə etdiyi telefon qeydləri də daxil olmaqla, digər məlumatlarla bu birliyin strukturunu deşifrə etdiyini bildirib. Bu bilgilərlə komanda və komanda sxemi də müəyyən edilib. Hücumların arxasında başda general-mayor Baranov, ondan sonra polkovnik Kapşuk, leytenant Baqnyuk, podpolkovnik Anton Timoşinov kimi adların yer aldığı vurğulanıb. Qeyd olunub ki, komandanın qalan hissəsinin əksəriyyəti 20-li yaşlarındadır və ümumilikdə, birlik 27 nəfərdən ibarətdir.
“Bellingcat”ın hesabatına görə, Baqnyukun Suriyada xidmət etdiyi güman edilir və sübutlar onun bu ölkədəki raket zərbələrini də koordinasiya etdiyini göstərir.
Günay Rəsulqızı,
Sfera.az