Hindistan nüvə başlığı daşıya bilən yerüstü orta mənzilli ballistik raket - “Agni Prime”ı uğurla sınaqdan keçirib.
 

Sfera.az xarici mətbuata istinadən bildirir ki, bu barədə Hindistan Müdafiə Nazirliyinə yaxın mənbələr məlumat verib.


Raket Odişa sahilindəki sınaq poliqonundan buraxılıb.
 

Qeyd edək ki, bu 1000-2000 km məsafə qət edə bilən iki mərhələli raket “Agni Prime”nin üçüncü buraxılışıdır.
 

Sınaq uçuşu zamanı raket maksimum məsafəni keçib və bütün sınaq məqsədləri uğurla yerinə yetirilib. “Agni Prime” raketinin bu ardıcıl üçüncü uçuş sınağı sistemin dəqiqliyi və etibarlılığını təsdiq edib.
 

Xatırladaq ki, əvvəlki raket sınaqları ötən ilin iyun və dekabr aylarında həyata keçirilib.

Aynil