Kremlin yeni planı açıqlanıb.

Sfera.az bildirir ki, bu barədə ABŞ-da yerləşən beyin mərkəzi məlumat yayıb. İddia edilib ki, Rusiya Xerson bəndini partladaraq şəhəri sular altında saxlaya və  “saxta bayraq” əməliyyatı (ictimaiyyəti aldatmaq üçün hazırlanmış gizli əməliyyatlar) ilə Ukraynanı kütləvi ölüm və dağıntılarda ittiham edə bilər.

Məlumata görə, sözügedən bənd Xerson şəhərindən təqribən 35 mil hündürlükdə yerləşən və Sovet dövründə tikilmiş Kaxovka su elektrik stansiyasının bir hissəsidir. Bölgə yüz minlərlə insanı elektrik enerjisi ilə təmin edir. Ekoloqların sözlərinə görə, bəndin partladılması  kəndlərə və qəsəbələrə “atom bombası” gücündə su göndərəcək.

“Rusiya ordusu inanır ki, bənd dağılarsa, bu, Ukraynanın irəliləməsinə mane olacaq və ya gecikdirəcək”, deyə mərkəz vurğulayıb. Xerson əsgərləri və sakinləri  də “The Telegraph”a açıqlamalarında bundan narahat olduqlarını bildiriblər. 

Müharibə Araşdırmaları İnstitutu isə qeyd edib ki, Kreml hazırda obyektləri partlatmaq, kənd və şəhərləri dağıtmaq üçün zəmin yaradır. Qurumun iddiasına əsasən, “saxta bayraq” əməliyyatı Rusiyanın Ukraynadakı əməliyyatların baş komandanı general Sergey Surovikinin fikridir. Bu həftənin əvvəlində də general Surovikin ordunun Xersonda çətinlik çəkdiyini etiraf etmiş, Rusiyanın texniki və inzibati problemlərlə mübarizə apardığını demişdi. Müharibə Araşdırmaları İnstitut həmçinin bildirib ki, Rusiya qoşunlarını təchiz etməkdə çətinlik çəkdiyi üçün Xersondan geri çəkilmək istəyir.

Günay Rəsulqızı