Rus raketləri yenə işə düşdü: Ukraynalılar bunkerlərə endi 

Ukraynada hava hücumu siqnallarının səsindən sonra insanlar yenidən bunkerlərə enib.

Sfera.az bildirir ki, Rusiya bu dəfə Zaporojyeni hədəf alıb.

Bölgə qubernatoru Oleksandr Starux “Telegram”da yayımladığı mesajda şəhərin infrastrukturunun bombardman edildiyini deyib. Şəhərə 12 raket atıldığı və bir nəfərin öldüyü açıqlanıb. Moskva hələlik hücumla bağlı açıqlama verməyib.

Qeyd edək ki, Rusiya Prezidenti Vladimir Putin bazar günü Krımı Rusiya ilə birləşdirən Kerç körpüsünə böyük ziyan vuran partlayışı "Ukrayna xüsusi xidmət orqanlarının terror aktı" adlandırıb və dünənki hücumların buna cavab vermək üçün təşkil edildiyini bildirib. Əsasən infrastrukturları hədəf alan hücumlarda paytaxt Kiyev aylar ərzində ilk dəfə raketlərlə vurulub. Ukrayna hakimiyyəti dünənki hücumlarda azı 19 nəfərin öldüyünü, 105 nəfərin yaralandığını açıqlayıb.

Türkan,

Sfera.az