Bəzən soruşurlar ki, dünyanın ən maraqlı yeri haradır?

Amerikadan tutmuş Asiya qitəsinə və dünyanın ən cənub nöqtəsinə qədər qeyri-adi və qəribəliyi ilə diqqət çəkən yerlər var.

Sfera.az bu yazıda dünyanın ən maraqlı və gördüyünüz zaman “möhtəşəm” deyəcəyiniz məkanlar haqqında məlumat verir.

1. Salar De Uyuni - Boliviya

Salar De Uyuni iyul və oktyabr ayları arasında səfər etmək üçün dünyanın ən qəribə və ən böyük düzənliyidir. Bu yer parlaq ağ duzdan, qaya birləşmələrindən və kaktus adalarından ibarət qurumuş gölün qalıqları hesab olunur. Səthdə nazik su təbəqəsi əmələ gəldikdə, dünyanın ən böyük təbii güzgüsünə çevrilir.

2. Natron gölü - Tanzaniya

Dünyanın ən qəribə yerlərindən biri qırmızı Natron gölüdür. Afrikadakı bu göldə çox miqdarda natrium bikarbonat var. Bu səbəbdən gölə daxil olan heyvanlar əhəngləşərək mumiya kimi heykələ çevrilirlər. Yüksək qələviliyə görə gölün rəngi qırmızıdır. Daşlaşmış göl kimi tanınan Natron həm də kiçik flaminqolar üçün otlaq yeridir.

3. Die Rakotzbrück (Şeytan Körpüsü) - Almaniya

Görənləri təəccübləndirən və heyran edən bu körpü 19-cu əsrdə daşdan tikilib və dairəvi halqaya bənzəyir. “Təbiətin sahib olduğu üzük” adlandırılan bu Şeytan Körpüsü faydalı əhəmiyyətə malik deyil, sırf estetik gözəllik üçün tikilən arxitektura nümunəsidir. Körpünün hər iki ucunda Almaniyanın əksər yerlərində yayğın olan bazalt sütunlu qayadan hazırlanmış nazik qüllələr var. Bu körpüdə “Sehrbazın şagirdi” və “Matriks dirilməsi” filmlərindən səhnələr çəkilib.

4. Ləkəli göl - Kanada

Xallı göl - Xiluk dünyanın mineral ən çox zəngin olan gölüdür. Onu dünyanın ən qəribə yerləri sırasına daxil edən 365 mozaikaya bənzər naxışlı hovuzunun olmasıdır. Bu ləkələrin hər birinin özünəməxsus kimyəvi tərkibi var və müxtəlif xəstəlikləri sağaltma əhəmiyyətinə malikdir.

5. Yamac nöqtəsi - Yeni Zelandiya

Slope Point Yeni Zelandiyanın ən ucqar cənub nöqtəsi və dünyanın ən qəribə məkanlarından biridir. Buradakı meşə güclü Antarktika küləkləri ilə daimi olaraq əyilmiş və uçurulan ağaclara ev sahibliyi edir. Ətrafda ev olmasa da, qoyunçuluq üçün istifadə olunan yerdir.

6. Əbədi Alov şəlaləsi - ABŞ

Əbədi Alov şəlaləsi dünyanın ən “wow” yerlərindən biridir. Nyu-Yorkda şəlalənin dibindəki kiçik bir parça təbii qaz qaynaqlanır və yandırma qabiliyyəti var. Bu alovu bütün il boyu görmək mümkündür. Sönə bilər, lakin bəzən yenidən yandırılmalıdır. Alov təbii qazlarla qidalanır.

7. Sevgi tuneli - Ukrayna

Ukraynanın Klevan şəhəri yaxınlığında yerləşən və onu Orjivlə birləşdirən sənaye dəmir yolunun bir hissəsidir. Yaşıl tağlarla əhatə olunub. Qatar gündə üç dəfə hərəkət edir və sevgililərin sevimli gəzinti yeridir.

8. Uçurumun Məsihi - İtaliya

1954-cü ildə Guido Galletti tərəfindən hazırlanmış Məsihin 2,5 metr hündürlüyündə batmış tunc heykəldir. Bu, İsanın başını və əllərini göyə qaldıraraq sülh xeyir-duası verməsini təsvir edir. Orijinal surəti Aralıq dənizində San Fruttuoso sahillərində, Camogli və Portofino arasında yerləşir.

9. Kano Kristales - Kolumbiya

Beş rəngli çay və maye göy qurşağı adlanan yer dünyanın ən qəribə yerlərindəndir. İyulun sonundan noyabr ayına qədər çayın yatağı müxtəlif rənglərdə ; sarı, yaşıl, mavi, qara və xüsusilə qırmızıya çalır. Əsasən yayda çay bitki örtüyünün tərkibinə görə qırmızıya çevrilir.

10. Meduza gölü - Palau

Palauda 70 göl var, lakin bu göl onlardan tamamilə fərqlidir. Göldə meduza var. Meduza populyasiyasının azalması səbəbindən 2012-ci ildə elmi işçilər tərəfindən ictimaiyyətə bağlanmışdı. Son illərdə meduza populyasiyasının artması nəticəsində yenidən ictimaiyyətə açıldı.

11. Blood Falls - Antarktida

Qarın heç bitmədiyi Antarktidada “qan şəlaləsi” çox qorxulu mənzərə yaradır. Alyaska Universitetinin tədqiqatçılarının fikrincə, suyun qırmızı olmasının səbəbi tərkibinin dəmirlə zəngin olması ilə əlaqəlidir. Paslanmış dəmir duzlu su ilə birləşdikdə qırmızı su əmələ gəlir.

12. Rhone və Arve çayları - İsveçrə

Rhone və Arve çayları arasında heyrətamiz kontrast var: biri mavi, digəri isə qəhvəyi. İki çay yan-yana axır və İsveçrənin Cenevrə şəhərində birləşir.

13. Ulduz dənizi - Maldiv adaları

Maldiv adalarının Vaadhoo adasındakı Ulduz dənizi hər il milyonlarla turisti cəlb edir. Dənizdəki işıqlı canlı orqanizmlər gecə saatlarında parıldayaraq möhtəşəm mənzərə yaradır.

14. Kristallar mağarası - Meksika

Naika mədənində yerləşən nəhəng Kristal Mağarası dünyanın ən qəribə yerlərindən biridir. Bu nəhəng quruluş 500.000 ildən çoxdur ki, Meksika altında “böyüyür”. Tərkibində nəhəng selenit kristalları var. Ayın yunan ilahəsi Selenin şərəfinə adlandırılmışdır. Hamının içəri girməsinə icazə verilmir. Buna səbəb mağaranın həddindən artıq isti və rütubətli olması və xüsusi soyuducu paltar geyinmədən içəri girənlərin istidən ölmə riski ilə üzləşməsidir.

15. Vinicunca - Peru

Tez-tez Vinicunca olaraq adlandırılan Göy qurşağı dağı Peruda rəngarəng bir zirvədir. Dağa çıxmaq olduqca çətindir. Onun yeddi rəngi mineral tərkibdən ibarətdir. Dağ pastel mavi, tünd qırmızı, yaşıl, çəhrayı və sarı rənglərə boyanmışdır.

16. Əyri meşə - Polşa

Polşanın şimal-qərbində 400-ə yaxın şam ağacından ibarət bu meşədə şamların 90 dərəcə əyilmə ilə gövdələrinin bir hissəsindən sonra əyri şəkildə böyüməsinin səbəbi hələ müəyyən edilməmişdir. Araşdırmalar nəticəsində 1930-cu ildə Almaniya İmperiyasının Pomeraniya bölgəsində əkilən ağacların nə insan, nə də maşın faktoru ilə belə bir vəziyyətə çevrilməsinin mümküm olmadığı müəyyən edilib.

17. Dalğa - ABŞ

ABŞ-ın Arizona ştatında, Yuta ilə şimal sərhədində yerləşən qumdaşı qaya formasıdır. Ərazinin qəribəliyindən əlavə, kövrək təbiətinə və ziyarət etmək istəyənlərin çoxluğuna görə ziyarətlərin püşkatma yolu ilə aparılması da qəribədir.

18. Al Naslaa Rock - Səudiyyə Ərəbistanı

Səudiyyə Ərəbistanında ortada ikiyə bölünmüş və hər ikisi kiçik postamentlər üzərində balanslaşdırılmış yer səthidir. Süxurun ümumi forması qayanın qorunan alt tərəfindəki nəm şəraitə görə külək eroziyası və kimyəvi aşınma nəticəsində formalaşıb. Qayanın hündürlüyü təxminən 6 metr, eni isə 9 metrdir.

19. Finqal mağarası - Şotlandiya

Təbii akustikası və simmetrik kvadrat görünüşü ilə məşhur, yaşayış olmayan Staffa adasında yerləşən dəniz mağarasıdır. 18-ci əsrdə Şotland şair-tarixi Ceyms Makfersonun eyniadlı epik poemasının qəhrəmanından sonra Finqal mağarası kimi tanınıb.

20. Ruby Falls - ABŞ

Ruby Falls mağarasında stalaktitlər, stalaqmitlər, sütunlar və axın daşı kimi mühüm mağara birləşmələri var. Tennessi yaxınlığındakı Lookout dağında yerləşir və milyonlarla ildir mövcuddur. Turizm məkanı olan mağarada 1930-cu illərdə bənövşəyi elektrik lampaları quraşdırılıb.

21. Hanoi Ön Qapı Dəmiryolu - Vyetnam

Mağazaların qapılarından bir neçə düym aralıda Hanoyun yaşayış və ticarət rayonundan keçən dəmir yolu xəttidir. Vyetnamın Hanoy şəhərində gündə iki dəfə sürətli qatarın keçdiyi küçə var. Qatarın qarşısında qalan insanlar ölməmək üçün bitişik divardan yapışırlar və ya yaxınlıqdakı kafeyə keçirlər.

22. Nəhəngin yolu - İrlandiya

Təxminən 60 milyon il əvvəl bu yer intensiv vulkan püskürmələrinə məruz qalmışdır. Lava soyuduqca və ətrafı əhatə edən tüstü yoxa çıxdıqca, insanlar sütuna bənzər strukturların çıxdığını görüblər. Təəccüblənmiş və səbəbini araşdırmağa başlamışlar. Mütəxəssislər bu qayaların sərtliyindən heyrətə gəliblər. Analoji quruluşa Sinopun Boyabat rayonunda da rast gəlmək olar.

Aynil

Dünyanın ən qəribə və maraqlı mənzərələri - FOTOLAR