Atama haqqımı halal etdim - Mehmet Ali Ərbilin qızından
1998-ci il təvəllüdlü Ece Ronay son zamanlar çıxardığı mahnılarla gündəmin ən çox danışılan adlarından birinə çevrilməyi bacarıb. İlk dəfə "Watermelon" mahnısı ilə YouTubeda fenomenə çevrilən məşhurun TikTok-da 4 milyon izləyicisi var. Son olaraq Youtube kanalında qonaq olan Ronay özü ilə bağlı səmimi etiraflar edib.
İlk dəfə “Qarpız” mahnısı ilə məşhurlaşan Ece Ronay sosial media hesablarının aktiv istifadəçisidir. Onun İnstaqramda ümumilikdə 1,2 milyon izləyicisi var.
Bəzən adekvat olmayan rəftarı ilə diqqət çəkən Ronay ötən ilin oktyabrında klipində çəkilən atası-Mehmet Ali Ərbilin onu taciz etdiyini deyərək Ərbil haqqında iddia qaldırmışdı.
Mövzu ilə bağlı açıqlama verən Ərbil: “Bu qız məndən reklam üçün istifadə edir. Heç kimə sataşmamışam. Z nəslinin tələsinə düşdüm" deyə açıqlama vermişdi.
Proqramların birində Ronay verilişdə özü və ailəsi ilə bağlı önəmli açıqlamalar verib.
Ötən aylarda evlənən fenomen, "Sevildiyimi hiss etdiyim bir münasibətim var" deyərək həyat yoldaşına təriflər yağdırıb.
O, övladını dünyaya gətirib-gətirməmək barədə çox düşündüyünü və bu məsələdə həyat yoldaşının ona hər zaman dəstək olduğunu bildirib.
Atası ilə bağlı verilən sualları cavablandıran Ronay səmimi açıqlamalar verib.
Oğlu Miranı babasız böyütmək istəmədiyini və atasının nəvəsindən uzaq olmasına təəssüfləndiyini bildirərək, bu haqsızlığın ikitərəfli olduğunu vurğulayıb.
Uşağım olandan sonra atamı başa düşdüm..
Qardaşının fiziki qüsuru ortaya çıxdıqdan sonra evdə şiddətin artdığını qeyd edən Ece Ronay, bu zorakılığın 7-13 yaş arasında davam etdiyini açıqlayıb. Bundan sonra internat məktəblərində qalan Ronanı bir ildən sonra nənəsi ordan götürüb.
O, atasını çətin günlərdən keçib ana olduqdan sonra başa düşdüyünü açıqlayıb.
“Atamın üsulu zorakılıqla hər şeyi həll etmək idi. Onun məqsədi məni qorumaq idi”.
Sosial mediaya görə təhsilini yarımçıq qoyduğunu qeyd edən Ronay bu məsələdən təəssüfləndiyini bildirib.
“Hazırkı iş yerim daimi deyil. İki ildən sonra başqa bir Ece Ronay çıxıb qarpız yox qovun oxusa, mən unudulacam”-deyərək şou biznesin “nankor” olduğunu vurğulayıb.
Aynil