Makron Zelenski ilə danışdı: AES-lə bağlı eyni tələb...
Fransa Prezidenti Emmanuel Makron və ukraynalı həmkarı Vladimir Zelenski Rusiyadan rus işğalçı qüvvələrinin Zaporojye AES ərazisindən çıxarılmasını tələb edirlər.
Sfera.az xəbər verir ki, bu barədə Yelisey sarayından məlumat verilib.
Məlumata görə, dövlət başçıları arasında telefon danışığı olub:
“Onlar Zaporojye Atom Elektrik Stansiyası ətrafında çox narahatlıq doğuran vəziyyətə qayıtdılar və Atom Enerjisi üzrə Beynəlxalq Agentliyin işini dəstəklədiklərini bildirdilər. Prezidentlər təhlükəsizliyin təmin edilməsi və nüvə qurğularının qorunması üçün Rusiya qüvvələrinin regiondan çıxarılması ilə bağlı eyni tələbi bölüşürlər”,- məlumatda bildirilib.
Həmçinin Makronun Zelenskidən döyüş meydanındakı gedişatlar, eləcə də Ukraynanın ehtiyacları barədə maraqlandığı deyilir.
