“İranın Rusiyaya PUA verdiyi sirr deyil və Qərblə Rusiya arasında davam edən siyasi-hərbi konfontrasiyada Tehran bitərəfliyini qorumayaraq Moskvanın işğal siyasətinin yanında yer alır”.

Sfera.az bildirir ki, bunu politoloq Məhəmməd Əsədullazadə deyib. O, bildirib ki, bu hərbi dəstək Qərb tərəfindən Tehrana baha başa gələcək:

“Vaşinqton Rusiyanı Ukrayanada məğlub etdikdən sonra, İranı yeni müharibəyə cəlb etməsi mümkündür. Tehran məhz Rusiyanın məğlub olmaması üçün əlindən gələn hərbi dəstəyi edəcək. Təbii ki, bura Rusiya üçün xüsusi əhəmiyyət kəsb edən PUA-nın verilməsidir. İran təkcə Qərbə qarşı  Rusiyanı dəstəkləməklə deyil, digər cəbhədə də yer alır. Bu, Cənubi Qafqazda Azərbaycan və Türkiyəyə qarşı olmaq üçün Ermənistanı dəstəkləməkdir. Tehran ikinci Qarabağ müharibəsindən sonra Türkiyə-Azərbaycan tandeminə qarşı mövqe ortaya qoyur. Məhz Tehran regionda sülhün əleyhinə olmaqla Ermənistanı siyasi olaraq tam dəstəkləyir. Bundan sonra da onun silahlanmasında yer almağı planlayıb. İranda keçirilən PUA təlimində Ermənistan hərbçilərinin  də yer alması bunu  deməyə əsas verir”.

Ekspert bildirib ki, Tehran Ermənistanı müasir PUA-larla təchiz edəcəksə, Cənubi Qafqazda özünə qarşı yeni cəbhə aça bilər:

“Yeni cəbhənin açılması isə Tehranın bütün cəbhələrdə məğlub olmasını şərtləndirəcək. Bu gün prezident İlham Əliyevin İranla bağlı siyasətində dost və qarşılıqlı etimada əsaslanan siyasət durur. Amma, İran bu siyasəti tərs qəbul edərək Azərbaycana qarşı dini  məzhəbsəl pərdəarxasında hibrid müharibə aparır”.

Günay Rəsulqızı