Talibandan ABŞ hücumları ilə bağlı açıqlama: Doha razılaşmasının pozulması...
Dünya
12:33 / 02.08.2022
12894
Taliban sözçüsü Zabihullah Mücahid ABŞ-ın Kabildə Əl-Qaidə lideri Ayman Zəvahirinin öldürüldüyü PUA hücumunu qınayıb.
Sfera.az xəbər verir ki, bu barədə o, Twitter hesabında yazıb.
Mücahid hücumu pisləyərək bunun beynəlxalq prinsiplərin və ABŞ ilə Taliban arasında 2020-ci ildə xarici qüvvələrin Əfqanıstanı tərk etməsinə dair əldə edilmiş Doha razılaşmasının pozulması olduğunu bildirib.
Mücahid Zəvahirinin ölümü ilə bağlı açıqlama verməyib.
Qeyd edək ki, bazar günü səhər saat 06:00 radələrində Kabilin 3 fərqli nöqtəsində şiddətli partlayış səsləri eşidilib. Taliban rəhbərliyinin Daxili İşlər Nazirliyindən verilən açıqlamada Şerpur rayonunda boş bir evə raket hücumu edildiyi, lakin can itkisinin olmadığı bildirilib.
Turan Rzayev
Sfera.az