Yeni bir araşdırma iqlim dəyişikliyinin nəticələrinin, o cümlədən insanların yox olmasının kifayət qədər ciddiyə alınmadığını ortaya qoyub.

Sfera.az xəbər verir ki, tədqiqatın müəllifləri vurğulayırlar ki, "iqlimdə son oyun" adlandırdıqları vəziyyətə qarşı hazırlıqlara başlamaq lazımdır.

Müvafiq təhlilə görə, iqlim dəyişikliyinin qlobal dağıntılara necə səbəb olacağını anlamaq üçün ən yaxın qiymətləndirmələr elmi araşdırmalarda deyil, populyar elmi kitablarda verilir.

Son illərdə klimatoloqlar temperaturun 1850-ci illərdən 1,5-2 dərəcə yuxarı qalxmasının təsirlərini öyrənirlər.

Araşdırmalar temperaturun bu səviyyədə saxlanmasının qlobal iqtisadiyyata gətirəcəyi yüklərdən bəhs etsə də, lakin “bəşəriyyətin sonu”nu proqnozlaşdırmır.

Turan Rzayev

Sfera.az