“Bugatti”nin ilk modeli FANTASTİK qiymətə satıldı - FOTOLAR
“Bugatti”nin EB110 GT RM modeli “Sotheby's Paris” hərracında ilkin təxminlərdən xeyli yüksək qiymətə - 2,06 milyon dollara satılıb.
Sfera.az xarici mediaya istinadən xəbər verir ki, bu model “Bugatti”nin ilk buraxılışıdır.
Daha doğrusu, bu, yenidən canlanan “Bugatti” şirkətinin ilk modelidir. Məlumat üçün bildirək ki, 1987-ci ildə Ettore Buqattinin ölümündən 40 il sonra, markanın hüquqlarını italyan iş adamı Romano Artioli əldə edib. Yeni zavodun tikintisi üçün o, “Ferrari”, “Lamborghini” və “Maserati”nin doğulduğu “Modena”nı seçib.Növbəti ilk seriya nüsxəsi bu fabrikdə 1992-ci ildə buraxılıb. Superkar dizayner Paolo Stanzani və dizayner Marçello Qandini tərəfindən yaradılıb.
561 at güclü, 3,5 litrlik V12 silindr beş klapan və dörd turbomühərrikə malikdir. Eyni zamanda mühərriik 6 pilləli sürət qutusu və tam ötürücü sistemlə işləyir. Bütün bunlar avtomobili 340 km/saata qədər sürətləndirməyə imkan verir. O vaxt bu, çox yüksək sürətl hesab edilirdi. 90-cı illərin iqtisadi böhranı ilə əlaqədar bu versiyada cəmi 95 nüsxə superkar hazırlanıb.
İki rəngli boz interyerli “Boz Metalik” rəngdə olan bu nüsxə Avstriyaya satıldı.
Qeyd edək ki, Superkar üçün dünyada yeganə xidmət mərkəzi “B Engineering” servisidir.
