“Tehranda Türkiyə prezidenti Rəcəp Tayyip Ərdoğanla görüş zamanı Rusiya prezidenti Putin açıq təxribata əl atıb”.

Sfera.az bildirir ki, bunu təhlükəsizlik eksperti İlham İsmayıl deyib. O, Putinin bu yaxınlarda Xəzər sammiti çərçivəsində Azərbaycan prezidenti ilə görüşdüyünü xatırlatdığını və Türkiyə prezidentinə “sizə ondan böyük salam var” dediyini vurğulayıb:

“Putin bununla nə demək istəyib? Azərbaycan prezidenti Rusiyaya Türkiyədən daha yaxındırmı? Türkiyədən çox Rusiya ilə problemlərimizi bölüşürük? Bu, keçməyən təxribatdır. Bunu həm Türkiyənin, həm də Azərbaycanın sıravi vətəndaşlarından tutmuş dövlət başçılarına qədər hamı bilir ki, Türkiyə bizim üçün ən yaxın qardaş ölkədir. Rusiya isə bütün bəlalarımızın başında gəlir”.

Ekspert qeyd edib ki, Putinin bu təxribatı da indiyədək bizə qarşı yönəlmiş təxribatların tərkib hissəsidir.

Türkan