Akardan "F-16" AÇIQLAMASI: "ABŞ ehtiyacımızı ödəyəcək"
Kateqoriya məlum deyil
Türkiyənin milli müdafiə naziri Hulusi Akar çərşənbə günü Ankara ilə Vaşinqton arasında respublikaya "F-16"ların tədarükü ilə bağlı danışıqların müsbət keçdiyini bildirib.
Sfera.az TASS-a istinadla xəbər verir ki, o, bu barədə Ankarada jurnalistlərə məlumat verib.
"ABŞ ilə F-16-ya dair danışıqlar müsbət olub. İnanırıq ki, ABŞ bizim F-16-ya olan ehtiyacımızı ödəyəcək", - nazir qeyd edib.
Bundan əvvəl Türkiyə ABŞ-dan Hərbi Hava Qüvvələrində xidmətdə olan təyyarələr üçün təkmilləşdirmə dəsti tələb etmişdi. Ankarada "F-16" almaq istəyi Rusiyadan "S-400 hava hücumundan müdafiə sisteminin alınması ilə əlaqədar beşinci nəsil "F-35" qırıcılarının istehsalı proqramından çıxarıldıqdan sonra açıqlanıb.
