Türkiyə ilə Yunanıstan müharibəyə başlayır? - AÇIQLAMA
“Lazım gələrsə, Türkiyə ilə döyüşməyə hazırıq”.
Bu barədə Yunanıstan Müdafiə Nazirliyi məlumat verib. Türkiyə Milli Müdafiə naziri Hulusi Akar isə, “Yunanıstanın Türkiyə ilə döyüşü sadəcə riyazi olaraq mümkün deyil”, - deyə söyləyib.
Bu barədə Sfera.az-a açıqlama verən politoloq Rusif Məmmədsoy bildirib ki, Türkiyəyə qarşı koalisiya artıq məqsədini bildirməyə başlayıb. Onun sözlərinə görə, müdafiə naziri Hulusi Akar fikirlərində haqlıdır:
“Yunanıstan tarixdən dərs çıxarmalı və Türkiyə ilə qarşıdurmadan yayınmalıdır. Ancaq Yunanıstanı ürəkləndirənlər var. Bunların da başında Amerika Birləşmiş Ştatları gəlir. İsveç və Finlandiyanın NATO-ya haqlı olaraq veto qoymaq hüququnu saxladığını dilə gətirən Türkiyəyə qarşı fərqli mübarizə metoduna keçirlər. Putinin Ərdoğanı “öz NATO-suna” dəvət etməsi də boşuna deyil".
Müsahibimiz bildirib ki, Qərbin əsas məqsədi özlərinin də açıq şəkildə dediyi kimi daxildən zəiflətməkdir:
“İqtisadi vəziyyət, sanksiyalar və s. - bütün bunların ssenari müəllifi xüsusilə Qərblə bağlıdır. Ancaq nəzərə almalıdırlar ki, bütün bunlar dünyada özlərinə qarşı daha böyük təhdidlərin yaranması deməkdir. NATO-dakı ən güclü müttəfiq olan Türkiyəyə deyil də, məhz Yunanıstana qırıcıların verilməsi, silahlandırılması gələcəkdə böyük təhlükələrə gətirib çıxara bilər”.
Günay Rəsulqızı
Sfera.az
