Saakaşvili məhkəmədə iştirak etməyəcək

Sfera.az xəbər verir ki, bu barədə eks-prezident özü məlumat verib.

"Səhhətimlə əlaqədar sabahkı prosesdə iştirak etməyəcəm. Məni məhkəməyə getməyə vadar edən yeganə şey o insanların (Saakaşvilinin sərhədi keçməsinə yardım edənlər - red.) bir neçə aydır təzyiqlərə məruz qalması idi. Bu insanlar dərhal azadlığa buraxılmalıdırlar”, - Saakaşvili Feysbukda yazıb.

Qeyd edək ki, Saakaşvilinin ilk məhkəmə iclası noyabrın 16-da baş tutub. Sabah keçiriləcək məhkəmədə onun sərhədi qanunsuz keçməsinə dair işə baxılacaq.