Yeni ildə spirtli içkilərin satışı məhdudlaşdırılsın – TƏKLİF
Rusiyada Yeni il tətillərində spirtli içkilərin satışının məhdudlaşdırılması, bu müddət ərzində mədəni tədbirlərin pulsuz keçirilməsi təklif edilib.
Sfera.az xəbər verir ki, belə bir təşəbbüslə Dövlət Dumasının deputatı, "Ayıq Rusiya” layihəsinin rəhbəri Sultan Həmzəyev çıxış edib.
"Yeni il ərəfəsində spirtli içkilər vətəndaşlarımızın həyat və sağlamlığını fantastik şəkildə məhv edir, çünki onların bəziləri bayram günlərində "ölçünü” itirirlər”, deyə millət vəkili vurğulayıb.
Rusların çox içməsinin qarşısını almaq üçün S.Həmzəyev kinoteatrlara, teatrlara, muzeylərə, hovuzlara və idman komplekslərinə pulsuz giriş imkanı açmağı təklif edib.
Qeyd edək ki, ilin sonuna kimi "Ayıq Rusiya” layihəsinin rəhbəri bununla bağlı Mədəniyyət Nazirliyinə sorğu göndərəcək.
(lent.az)
