Türkiyədə yerləşən "İncirlik” hərbi bazasının komandanlığı da həbs edilib. Bizimyol.info xəbər verir ki, bazanın rəhbəri də daxil omaqla 10 yüksək rütbəli zabit dövlət çevrilişinə cəhddə ittiham olunurlar. 

Türkiyənin ədliyyə naziri Bəkir Bozdağ hərbi çevrilişə cəhdlə bağlı saxlanılanların sayının 6 min nəfərə çatması barədə açıqlama verib. Nazir saxlananların sayının daha da artacağını deyib. Həbs olunanlar arasında hərbçilərlə yanaşı, hakimlər, prokurorlar və iş adamları da var. 

Bu arada Adanada İncirlik hərbi bazasının türk komandiri general Bekir Ercan Van da saxlanılıb.