Braziliya prezidentinin itttiham olunduğu hesabat təsdiqlənib
Braziliyanın sabiq prezidenti Jair Bolsonaronun COVID-19 pandemiyası ilə mübarizədə səhlənkarlıq edib-etmədiyini araşdırmaq üçün yaradılan Parlament Təhqiqat Komissiyası (CPI) Bolsonaronun 9 cinayətdə ittiham olunması haqda yekun hesabatı təsdiqləyib.
Sfera.az xəbər verir ki, Senatda keçirilən səsvermədə CPI üzvləri Bolsonaronun insanlığa qarşı cinayət, epidemiya və sağlamlıq tədbirlərinə etinasızlıq kimi 9 cinayətlə ittiham edildiyi hesabatı 7 əleyhinə 4 əleyhinə səslə təsdiqləyib.
Hesabat Bolsonaroya qarşı məhkəmə prosesinin başlanmasını tələb edərək Baş Prokuror Augusto Arasa və Ali Məhkəmənin hakimi Alexandre de Moraesə təqdim ediləcək.
Konqres üzvləri tərəfindən insanlığa qarşı cinayətlərdə ittiham olunan Braziliyanın ilk prezidenti Bolsonaroya qarşı Haaqa Beynəlxalq Ədalət Məhkəməsinə (ICJ) də şikayət veriləcək.
Hesabatda Bolsonaro ilə yanaşı Bolsonaronun oğulları, əyalət qubernatorları və keçmiş səhiyyə naziri də daxil olmaqla 80 nəfər günahlandırılır.
Məlumata görə, Bolsonaro bəşəriyyətə qarşı cinayətlər, sanitariya qaydalarını pozma, şarlatanizm, cinayətə təhrik, sənədlərin saxtalaşdırılması, dövlət vəsaitinin düzgün istifadə edilməməsi, sui-istifadə, ölümcül epidemiyalar və vəzifə şərəfinə hücumlarda ittiham olunur.
Qeyd edək ki, Braziliya prezidenti Bolsonaro dəfələrlə ictimaiyyəti sosial məsafə qaydasına əməl etməməyə təşviq edərək maskalardan istifadəyə qarşı çıxıb.Əzizə Zeynal
