Varlı ölkələr əhalini kasıb ölkələrdən 20 dəfə daha sürətli peyvəndləyir
Dünya
15:46 / 19.08.2021
851
Son məlumatlara görə COVİD-19 virusuna qarşı 181 ölkədə 4,82 milyard doza peyvənd vurulub.
Sfera.az "Bloomberg”ə istinadən xəbər verir ki, ən çox peyvənd vurduran ölkələr Çin, Hindistan, ABŞ və Avropa Birliyidir. Çində 1 milyard 887 milyon doza, Hindistanda 560 milyon doza, Avrupa Birliyi ölkələrində 510 milyon doza, ABŞ-da 359 milyon doza vaksin vurulub.
Mütəxəsislər insanların normal həyata dönməsi üçün əhalinin minimum 70 faizinin peyvəndlənməsinin vacib olduğunu bildirir. Mövcud peyvəndləmə sürəti ilə ABŞ əhalisinin 75 faizinin vaksinasiya edilməsi üçün 6 ay vaxt lazım gələcək.
Dünyada gündəlik 37,5 milyon doza peyvəndin vurulduğu nəzərə alınarsa, qlobal səviyyədə immunitetin yaradılması üçün də xeyli vaxt lazımdır.
Məlumatların təhlili göstərir ki, COVİD-19 peyvəndlərinin istehsalına başlanıldığı tarixdən bəri varlı ölkələrin əhalisi kasıb ölkələrdə yaşayanlara nisbədən 20 dəfə daha sürətlə vaksinasiya olunur. Bu fakt ölkələrin vaksinləri əldə etmək imkanının bərabər olmadığını göstərir.
Vasif
Sfera.az
