Sudan hökuməti ölkənin keçmiş prezidentini məhkəməyə verir
Dünya
20:26 / 11.08.2021
1458
Sudan hökuməti ölkənin keçmiş prezidentini məhkəməyə verir.
Sfera.az "İnterfax"a istinadən xəbər verir ki, ölkə rəhbərliyi keçmiş prezident Ömər əl-Bəşir və digər sabiq dövlət məmurlarını Beynəlxalq Cinayət Məhkəməsinə verəcək. Onlar 2003-cü ildə Darfurda münaqişə dönəmində insanlığa qarşı cinayətlərdə ittiham edilir.
Sudanın xarici işlər naziri Maryam əl-Mehdi deyib ki, Nazirlər Kabineti bütün cavabdeh şəxsləri məhkəmə qarşısına çıxarmağı hədəfləyir.
77 yaşlı əl-Bəşir 1988-ci ildən ölkəyə rəhbərlik edib, 2019-cu ildə kütləvi xalq etirazlarından sonra devrilib. Beynəlxalq Cinayət Məhkəməsi 2009-cu ildə onun barəsində həbs qərarı çıxarıb, o, beynəlxalq axtarışa verilib.
Sabiq prezidentə qarşı 31 ittiham irəli sürülüb.
BMT-nin məlumatlarına görə, 2003-2006-cı illərdə Darfurda hökumət ordusu ilə etirazçılar arasında baş verən silahlı qarşıdurmalarda 300 minə yaxın insan həlak olub.
2019-cu ilin avqustundan Sudanda hərbi-mülki administrasiya rəhbərliyi ələ alıb.
