ÜST-dən çağırış: “Bu heyvanların satışı qadağan olunsun!\"
16:16 / 13.04.2021
1007
Ümumdünya Səhiyyə Təşkilatı (ÜST) koronavirus və eləcə də digər xəstəliklərin yayılmasının qarşısını almaq üçün yenidən çağırış edib.
Belə ki, təşkilat bazarlarda canlı heyvanların satışının qadağan edilməsini məqsədəuyğun hesab edir.
Sfera.az xəbər verir ki, COVID-19-un mənşəyi ilə bağlı keçən ay yayımlanan ÜST-Çin birgə araşdırmasının nəticlərinə əsasən belə bir qənaətə gəlinib. Həmin araşdırma koronavirusun mənbəyinin həm canlı, həm də ölü heyvanların satıldığı bazarlardan qaynaqlandığını üzə çıxarıb.
"İnsanlardakı bütün yoluxucu xəstəliklərin 70 faizdən çoxunun mənşəyi heyvan, xüsusilə vəhşi heyvanlardır. Eyni zaamanda vəhşi məməlilər yeni xəstəliklərin yaranması riskini artırır”, - ÜST-ün açıqlamasında deyilir.
Qeyd edək ki, ÜST mütəxəssisləri Çinin Uhan şəhərini ziyarət etdikdən sonra qida bazarlarını mümkün epidemiya mənbəyi olaraq diqqət mərkəzində saxlayıb.
İnci
Sfera.az
