Bayden Trampı andiçmə mərasiminə dəvət etdi
Kateqoriya məlum deyil
"Demokrat”lardan prezidentliyə namizəd Co Bayden rəqibi, hazırkı Amerika lideri Donald Trampı andiçmə mərasiminə qatılmağa dəvət edib.
Sfera.az xəbər verir ki, bu barədə o, CNN-ə verdiyi müsahibəsində deyib.
Siyasətçi Trampın mərasimdə iştirakının onunçün fərqi olmadığını bildirib. Onun sözlərinə görə, bu, bütün hallarda xaosun sona çatdığını nümayiş etdirən və "rəqib tərəflər əl-ələ verib irəlilədikdə hakimiyyətin dinc yolla ötürülməsinə" şahidlik edən simvolik bir məna daşayırdı.
ABŞ-ın gələcək prezidentinin andiçmə mərasimi 2021-ci il yanvarın 20-nə təsadüf edir.
