Rusiyada bir gündə 27 minə yaxın yoluxma - Qonşu ölkələrdə son vəziyyət
Dünya
18:30 / 29.11.2020
8817
Rusiyada son bir gündə 26 min 683 yeni yoluxma faktı qeydə alınıb.
Sfera.az "worldometers"ə istinadən bildirir ki, 24 saat ərzində 459 pasiyent ölüb, bununla da vəfat edənlərin sayı 39 min 527 nəfərə çatıb. İndiyədək koronavirusa yoluxan 1 761 457 nəfər sağalıb.
Ölkə üzrə ümumilikdə 2 milyon 269 min 316 nəfər insan koronavirusa yoluxub.
Gürcüstanda son 24 saat ərzində daha 4 426 nəfərdə "COVID-19” aşkarlanması ilə ölkədə koronavirusa yoluxma halı 132 min 368-ə çatıb.
Ölkədə sutka ərzində daha 35 nəfərin xəstəlikdən vəfat etməsi ilə ölüm hallarının sayı 1 230-a çatıb. Ümumilikdə sağalanların sayı isə 110 min 049 nəfərdir.
Ermənistanda son sutka ərzində daha 1 174 nəfərdə koronavirusa yoluxma faktı aşkarlanıb.
Bununla da ölkədə koronavirusa yoluxanların sayı 134 min 768 nəfərə çatıb. Daha 21 nəfərin vəfatı ilə koronavirusdan ölənlərin sayı 2 142-yə çatıb. Ümumilikdə sağalanların sayı isə 107 min 364 nəfərdir.
Qeyd edək ki, Ermənistanda epidemiyaya görə, martın 16-dan etibarən tətbiq olunan fövqəladə vəziyyət rejimi 11 yanvar 2021-ci ilə qədər uzadılıb.
