“Din Azərbaycanda insanları bir-birindən ayıran amil deyil, əksinə...” – Hacı Şahin
15:35 / 22.10.2021
936
Dini və
milli tolerantlıq, millətlərarası münasibətlərin inkişaf etdirilməsi mövzusu çağdaş
tariximizin bəlkə də ən çox problemlə üzləşdiyi məsələlərdir. Təəssüf ki, az
qala, bütün dinlər insanları birlik, bərabərlik və vəhdətə səslədiyi halda əksər
müharibələr elə məhz bu zəmində baş verir. Bir çox hallarda insanların
bir-birinə qarşı dini və milli dözümsüzlük göstərdiyinin şahidi oluruq.
Maraqlıdır,
bu gün qeyd edilən dəyərlərlə bağlı ölkəmizdə durum necədir?
Mövzu ilə
bağlı Sfera.az-a açıqlama verən Qafqaz Müsəlmanları İdarəsinin Qazılar
Şurasının üzvü Hacı Şahinin deyib ki, tarixən Azərbaycan müxtəlif dini inancları
olan fərqli millətlərə ev sahibliyi edib:
"Əsrlərə
vətənimizdə din, millət ayrımı edilmədən müxtəlif əqidədə olan insanlar
harmoniya ilə yaşayıb. Bu, haırda da dövlətin diqqət mərkəzində olan başlıca
prioritet məsələlərdəndir.
Azərbaycanda
dini tolerantlıq əsrlərlə yaşatdığımız bir dəyərdir. Bu gün də bu dəyər dövlət
səviyyəsində dəstəklənir, hətta dövlətimizin əsas prioriteti hesab edilir.
Bu gün
Azərbaycanda dövlət qurumları ilə dini qurumlar arasında münasibətlərin müsbət
mənada inkşaf etdirilməsi üçün işlər aparılır. Xüsusilə bu, məzhəb din və milli
zəmində müharibə girdabına düçar olan ölkələr üçün gözəl nümunə olmalıdır.
Azərbaycan
dini və milli tolerantlığın bəhrəsini Birinci və İkinci Qarabağ müharibəsində də
gördü. Hər iki müharibədə dinindən və etnik kimliyindən asılı olmayaraq hər bir
vətəndaş vətənini qorumaq üçün səfərbər oldu. Yəhudilər, xristianlar, müsəlmanlar
birlikdə ortaq düşmənə qarşı çiyin-çiyinə döyüşərək yekunda torpaqlarımızı azad
etdi.
Bütün bunlar
dünyaya örnək ola biləcək nümunələrdir. Biz görülən bu işin nəticələrini
Qarabağ müharibəsi zamanında gördük. Budur əsl harmoniya, tolerantlıq, budur fərqləri
nəzərə almadan əldə olunan birlik”.
Turan
Rzayev
Qeyd:Material Azərbaycan Respublikası Medianın İnkişafı Agentliyinin maliyyə dəstəyi
ilə hazırlanıb.
